MULA
NI PAR.JONGJONG NI H Ch B (HKI)
DI
PATANE - PORSEA
HATA PATUJOLO
Dung
tarbortik barita, jala sar dohot alu-alu paboa naung adong sada Huria na imbaru
na ni uluhon ni bangsonta halak Batak di Pematang Siantar; songon na pintor
ditangkup roha ni angka pangitual ni Huria na di Toba on do barita i. Nang pe
naung anggota ni ruas ni Reinsche Zending nasida, alai tung na mansai manarik
rohanasida ala halak hita na gabe uluan (pimpinan) ni Huna nabaru marbuka i.
Di
tingki I nunga jot-jot hian laho amanta Raja Soambangon Sitorus nahinan
martiga-tiga tu Sibolga dohot dompak Pematang Siantar. Mardomu muse angka
panghataion tu Huria na baru i sai martaringot di laponi amanta Bariun
Sihombing nahinan, ala hira tardok do on sada lapo parmanganan na dumenggan
tingki I di Porsea. Laos amanta on pe godang do umboto barita sian angka pamolus
na maradian di Porsea laho mangan, ima sian Siantar tu Tarutung dohotsabalikna.